श्रम, रोजगार तथा सामाजिक सुरक्षामन्त्री डोलप्रसाद अर्यालले वैदेशिक रोजगार बोर्डले श्रमिकको लागि सञ्चालन भइरहेका टेलिमेडिसिन सेवाको निरीक्षण गरेका छन् । बुधबार वीर अस्पताल पुगेर उनले टेलिमेडिसिन सेवाको निरीक्षणसँगै जानकारीसमेत लिएका हुन् ।
पछिल्लो समयमा वैदेशिक रोजगारीमा रहेका नेपाली श्रमिकमा स्वास्थ्य समस्या बढ्दै गएपछि श्रम मन्त्रालयले बोर्डमार्फत टेलिमेडिसिन सेवा शुरु गरेको हो । बोर्डले करिव एक वर्ष अघि गत चैत १० गतेदेखि सेवा सञ्चालनमा ल्याएको हो ।
बोर्डले वीर अस्पतालबाट नै यो सेवा सञ्चालन गर्दै आएको छ । श्रमिकले फेसबुक, ह्वाटएप, भाईवर, ईमो लगायतका सामाजिक सञ्जालमार्फत सम्पर्क गरी यो सेवा लिन सक्नेछन् । टेलिमेडिसिन सेवा सम्बन्धी जानकारी लिदै मन्त्री अर्यालले यो सेवालाई अझै चुस्त तथा प्रभावकारी बनाईने बताए ।